Aldursviðmið í tölvuleikjum
Hér eru upplýsingar um almennt aldursviðmið í tölvuleikjum og hvað felst í þeim merkingum.
Rétt er að taka fram að þetta eru viðmið og hafa foreldrar og forráðamenn heimild til að leyfa börnunum sínum að spila þá leiki sem þeim finnst við hæfi.
Hver setur viðmiðið?
Það eru til nokkur mismunandi kerfi sem setja tölvuleikjum aldursviðmið. Það kerfi sem við Evrópubúar notum er PEGI sem stendur fyrir Pan European Game Information.
PEGI
PEGI 3 – fyrir alla aldurshópa
PEGI 7 – fyrir 7 ára og eldri
PEGI 12 – fyrir 12 ára og eldri
PEG 16 – fyrir 16 ára og eldri
PEGI 18 – fyrir 18 ára og eldri
Einnig sjáum við stundum til ESRB sem stendur fyrir Entertainment Software Rating Board og er þekkt í
Bandaríkjunum, Kanada og Mexíkó.
ESRB
EC – leikir ætlaðir börnum.
E – fyrir alla aldurshópa
E 10+ – fyrir 10 ára og eldri
T – fyrir 13 ára og eldri
M – fyrir 17 ára og eldri
A – fyrir 18 ára og eldri
Smáforrita verslunin App Store notast við sín eigin aldursviðmið og flokkast þau í eftirfarandi:
4+ – Er við hæfi barna eldri en 4 ára.
9+ – Ekki við hæfi 9 ára og yngri.
12+ – Ekki við hæfi 12 ára og yngri.
17+ – Ekki við hæfi 17 ára og yngri.
Smáforrit með aldursmerkinguna 17+ má ekki selja börnum yngri en 17.
Smáforrita verslunin Google Play notast aftur á móti við merkingar frá IARC sem stendur fyrir International Age Rating Coalition og sér notandinn því þau aldursviðmið sem eiga við í sínu landi.
Á Íslandi myndi það vera PEGI sem er röð númer tvö á myndinni.
Af hverju er munur á milli kerfa?
Þrátt fyrir að merkingarnar séu mismunandi eftir framleiðanda þá eru þau sett á leikina til að upplýsa um hvað sé í leiknum, til dæmis hvort um er að ræða leik sem inniheldur ofbeldi og blótsyrði eða hvort leikurinn er við hæfi allra.
Þó kemur fyrir að sami leikurinn getur fengið mismunandi merkingar/aldursviðmið farandi eftir hvar leikurinn er spilaður. Ástæðan fyrir mismunandi aldursviðmiðun á leikjum í mismunandi löndum er sú að hvert land hefur sína skilgreiningu á hvað telst eða telst ekki við hæfi hvers aldurshóps og einnig gilda strangari reglur sumstaðar í heiminum varðandi hvað má vera í afþreyingarefni.
Dæmi um þetta eru vinsælu leikirnir Pokemon Sword og Pokemon Shield með tvö mismunandi aldursviðmið, annars vegar E – fyrir alla aldurshópa hjá ESRB (Bandaríkin, Kanada og Mexíkó) og svo PEGI 7 – fyrir 7 ára og eldri frá PEGI (flest lönd í Evrópu).
Einnig er dæmi að app leikurinn Clash of Clans sem fær aldursviðmiðið 9+ í App store á Apple snjalltækjum, en framleiðendur leiksins setja aldursviðmiðið 13 ára og eldri því það er bæði spjallrás í leiknum og valmöguleiki á að kaupa fríðindi innan leikssins fyrir alvöru pening.
Á rafíþrótta æfingum á Íslandi eru þjálfarar meðvitaðir um aldursviðmið og passa upp á að setja hluti í samhengi og leiðbeina hvað krakkarnir eru að gera í leikjunum.
Hér má finna skjal frá vefsíðu breska rafíþróttasambandsins, British Esports, með nokkrum leikjum og aldursviðmiðum þeirra.